Jannah Theme License is not validated, Go to the theme options page to validate the license, You need a single license for each domain name.
منوعات

عايز تحجز تذكرة طيران ..تقدر تحجزها في خمس خطوات

عايز تحجز تذكرة طيران تقدر تحجزها في خمس خطوات :

 

1-ادخل على أي موقع حجز طيران مشهور أو وسيط:

بيعرضلك أسعار تنافسية بين شركات كتير .. لازم تختار حسب التقييم الأعلى والشركات المجربة أكتر 

 

2 – اختار الرحلة اللي تعجبك والسعر اللي يعجبك:

ولازم تتاكد من الوزن والمواعيد مهمة جداااااا خصوصًا لو التأشيرة هتبدأ أو هتنتهي بتاريخ معين، عشان متعرضش نفسك إنك متطلعش الطيارة والتذكرة تروح عليك أو تكسر الفيزا وغرامات وبلاك ليست . ولو فيه ترانزيت  لازم تتأكد من البلد اللي هتنزل فيها ترانزيت وهتحتاج تأشيرة ولا لأ وهتغير المطار ولا لأ  مينفعش اتنين ترانزيت في بلدين شنجن ووقت الترانزيت مينفعش أقل من ساعتين، تحسبًا لأي تأخير في الطيارة الأولى أو الإجراءات وممرات مطار الترانزيت.. ومش أكتر من ٨ ساعات عشان الملل والتعب. 

3- دخل بيانات جواز السفر:

لازم تكون مركّز كويس لأن لو غلطت في حرف واحد في الاسم أو رقم الباسبور مش هتعرف تعدّله بسهولة

4-  ادفع :

️قبل ما تدفع .. اتأكد من اجمالي المبلغ اللي هتدفعه.. وبيكون في حاجات مفتوحة واختيارات كتير وخدمات بتزود السعر.. حاول تقفلها.. وإن مفيش أي عمولة أو رسوم دفع

5-  اطبع التذكرة:

أو الأصح احفظها على الموبايل، لأن مفيش حد بيستعمل ورق مطبوع دلوقتي.

 

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى